Logo

काव्य कुंज

A+
A-
विधा तारीख

शीर्षक

अक्ती ले माटी म पसीना ला बोए हे, खेत के पार म कतको रतिहा नइ सोए हे सोन कस बाली म, बसे रिहिस ओकर परान। सोचे रिहिस ए दारी, सुघ्घर भरही कोठार, नवा लुगरा पहिनही गोसइन, जुड़ाही घर-परिवार। कछु दिन पहिली जब पानी के अड़बड़ रिहिस दरकार, बदरा हा धोखा दे दिस, सुखागे रिहिस खेत-खार। ऐती-ओती ले पानी धराके, कतको जतन लगाइस, मरत फसल ला किसानहा, जइसे-तइसे जियाइस। फेर कती ले उठिस बइरी तूफान अउ चकरी, कारी डाइन कस छागे अकास म बदरी। झकोरा मारत हवा अउ मुसलधार झड़ी लगाइस, कुदरत हा जाने काबर अइसन रउदर रूप देखाइस। घुमरी हा बछर भर के मेहनत म पानी फेर दिस, देखते-देखत हरियर खेत ला, चिखला म सान दिस। ठाढ़ धान हा आज भुइयां म लोटत हे, हवा के झपेटा ले किसान के करेजा फाटत हे। जेन बाली ला जतन ले महतारी कस पोसिस, बइरी अंधड़ हा ओकर ढेंटू ला मरोड़िस। हाथ-गोड़ टोर के जउन धान ला कमाइस, आँखि के आघू म सब माटी हो भइस। आँखी ले बोहात आँसू, झड़ी म घलो दिखत हे, करजा के सुरता ले, किसान हा सिसकत हे। अब कइसे पटही उधारी के पइसा? हे भगवान! तैं गरीब बर काबर करथस अइसा? छानी चूहथ हे, उजड़ गे सब खेत-खलिहान पानी म बोहागे ओकर, बछर भर के धान। उजड़े हें सपना, अउ टूटे हे कनिहा, झंझावात मार ले आज रोवत हे सियान...
0

कलमकार

नाम

टिप्पणियाँ0